---------- तलव आएपछि.......
ए हजुर!
- हजुर !!
नयाँ सारी कहिले किन्ने?
साथीहरू जागिरेको परिवार भन्छन् ।
- तलव आएपछि ।।
बाबा! बाबा!!
- भन बाबु ।
मलाई गुड्ने बाइक र उड्ने जहाजल्याइदिनु न ।
- तलव आएपछि ।।
दाइ मलाई एउटा मोबाइल सेट !
- तलव आएपछि ।।
- हेलो !
हेलो छोरा सञ्चै छस् ?
- ढोग गरें, बाँचेको छु ।
अब त जागिर नि खाइस,
पोहोर को ऋणको ब्याजै भए नि पठाई दे ।
- तलव आएपछि ।।
ए हजुर, खाना खान आउनुस् ।
- तलव आएपछि ।
- ए हैन हैन, आईहालेँ ।
तलव आको दिन,
तलव आको दिन,
चामल र तरकारी पसले लाई,
जम्माको २५ भाग,
घरबेटीलाई २० भाग,
चिया र भट्टी वालालाई १० भाग,
बोर्डिङ्ग स्कुललाई १० भाग,
साथीको छिनाउन र यता उता २५ भाग,
पर्समा बाँकी १० भाग ।।
तलव आको भोलि पल्ट,
ए हजुर, सुनिस्यो त ।
- भनिस्यो हजुरको हजुर ।
हिजो मात्र तनखा थापिस्या हैन!!??
पर्स त दुब्लो छ त,
कहिले आउँछन् हात्तीहरू? यसभित्र??
- तलव आएपछि ।
कहिले?
- अर्को महिना ।।।
No comments:
Post a Comment