गजल

                      - केडी रेम्नीसिङ
पिउनु उनकै यादमा पिउँछु आजभोली,
दिनभन्दा बढी रातमा पिउँछु आजभोली ।

टेवलमा सुरु अनि बढ्दै जान्छ कोठातिर,
होसअघि यही खाटमा पिउँछु आजभोली ।

सुम्सुम्याउने हात छोडी नसा साथ थमाई,
तस्विर उनै राखी साथमा पिउँछु आजभोली ।

प्रेममा बढी नसा उनी पिएको रक्सीभन्दा,
चीज अर्कै उस्तै मातमा पिउँछु आजभोली ।

विषसरी अन्तिम कक्टेल प्रेम र रक्सीको,
आँखा चिम्ली उसै हातमा पिउँछु आजभोली।